蔡少芬孖好姊妹拍真人騷

蔡少芬(Ada)、朱茵、陳法蓉及洪欣組成的女團「港普F4」，將首次合體拍內地真人騷《請吃燒烤的姐姐》。Ada日前出席活動時，表示4人一直都有個共同夢想，就是合夥開店做生意，今次可謂在節目中實現夢想。

Ada形容她們的「好到有啲爛」，四人性格獨特，自爆私下也不時會鬧交，所以一齊工作會很有火花。她笑言大家各有所長：「我應該負責搞氣氛，好多時4個人一齊食飯，我都係主動啲、搞啲笑；朱茵就係掛住食嘢；洪欣比較多嘢講，仲由頭講到尾，我就會話『其實你講重點得』；至於陳法蓉博學多才，喺節目可以提出好多得意問題。」