黎燕珊忙拍劇無暇搵伴侶

黎燕珊日前應劉小慧邀請一齊開live傾偈，適逢當日是黎燕珊的生日，小慧準備蛋糕為她送上驚喜。黎燕珊表示不介意生日開工，希望未來一年都工作不斷又能夠密密搵真銀︰「我平日比較少做網上開live，所以今次跟小慧學嘢，原來即時睇到網民直接反應又留言祝我生日快樂，真係好難忘。我仲好羡慕小慧有位背後嘅男人(蘇志威)，為小慧細心打點一切。」

提到早前她在《日日媽媽聲》剖白做單親媽咪的心聲，黎燕珊表示收到很多網民留言多謝她，身邊的朋友從節目得知自己仍期盼愛情，紛紛表示有筍盤介紹，但因為她目前要集中投入拍新劇，暫時將機會延後。