【爸爸獨有福利】張繼聰被3歲女迫搽甲油戴耳環

最近不少父母都留在家中照顧小朋友，有家長感到如困獸鬥，亦有人樂在其中。今日張繼聰就分享他與3歲囡囡張靖的點滴，相信不少爸爸都深同感受。

他上載了一張照片留言道︰「俾佢(張靖)發現咗我偷偷洗甩咗啲指甲油，要油番…同埋依家要戴埋耳環…第日如果可以出街，咁……」由於阿聰太過剛陽，依家戴上耳環及搽了粉紅色甲油，絕對是極大反差，非常搞笑。阿聰被迫扮女人，原來是囡囡要求，更由她為爸爸扮靚靚，才可以參加他們的茶會。