又要威又要戴頭盔｜請「前夫」上節目余迪偉︰好遺憾班真老婆跟埋嚟

擁有逾27萬成員的「我老婆嫁左比Mirror導致婚姻破裂關注組」Facebook專頁，發起人上載照片，表示與關注組內幾位前夫現身余迪偉與林二汶主持的ViuTV節目《又要威又要戴頭盔》。

有網友回覆說︰「Viutv 真係好有效率，相信版主勢估唔到自己而家咁紅，拍得住12子，又電台又電視，可能遲下拍埋廣告，放心啦！當你紅咗有人爭你，阿嫂夫人會返你身邊，到時你坐正噃正印位置！」

余迪偉在化妝間偷影「前夫」，留言說︰「#mirror導致婚姻破裂關注組的老公已經準備就緒！但係佢哋話好遺憾今日班真老婆跟埋嚟，唔知一陣開廠有幾失控！ #又要威又要戴頭盔」有網民笑言這些老婆跟隨「前夫」到ViuTV，目的只得一個︰「博一博睇下見唔見到mirror」。