林穎彤爆扮李小龍最難舞棍

林穎彤(Bella)連續4年為一公司任代言人，上一輯廣告以爆炸頭家庭主婦造型示人，深受粉絲及客戶愛戴。新廣告決定延續這個造型，Bella還要發揮語言天分，扮日本學生妹講日文、扮韓國大媽講韓文，扮MJ講英文，而她最難忘卻是扮李小龍︰「淨係要著住佢套黃色戰衣，真係食多少少嘢都唔敢，之後仲要耍雙截棍，我本身玩都未玩過，但要扮到好識耍、好有型，好多次條棍揈中我身體『啪』一聲，證明我好俾心機，工作人員都擔心我會受傷。」