吳嘉禧打機度新歲

前Super Girls成員吳嘉禧(Cheronna)，與何雁詩、賴慰玲、蔡思貝、陳瀅及陳嘉寶組成姊妹團SÏXTERS，去年簽新經理人公司的她，趁農曆新年空檔與母親一起「自家製」蘿蔔糕送給親朋好友，她說：「人大咗，要工作同媽咪相處時間自然少咗，呢個係一個很好的親子活動，大家都會抽空一齊整，已經整咗超過10年。」

疫情關係，Cheronna表示新年不會周圍去，與家人待在家中靜靜地過，她說︰「都習慣咗，以前當然會去拜年，不過呢兩年疫情影響，會減少出街，加上自己比較宅，可能新年打機過啦。」提到虎年願望，單身的她未有諗「脫單」，指會繼續專注工作。