鐵拳英雄｜陳山聰笑胡定欣有體臭被開年揚言封大利是安撫

陳山聰、姚子羚等今日為無綫劇集《鐵拳英雄》宣傳，提到劇集收視最高有25點收視，山聰表示收視若有35點會穿泳褲，並著拍擋子羚穿三點式，但子羚就認為沒有新意拒絕，最後山聰努力游說下表示會穿三點式加外套。

提到山聰的囝囝Jaco冷待胡定欣，他強調囝囝與定欣好老友，「定欣經常整蠱Jaco，佢都有肯俾定欣抱，佢哋好friend啲片就冇放出嚟！」問到胡定欣是否真的因為體臭問題，而被Jaco冷待，他大呼無奈︰「原本無事㗎！個留言原本定欣係睇唔到，都係搞笑玩吓，點知個新聞出咗嚟，佢打嚟鬧我『玩嘢呀！』依家大鑊，有排搞呀！我要封多兩封大利是俾佢！」他又笑言自己出劇才有新聞，反而囝囝常常上報，比他更紅。