Netflix日劇《First Love 初戀》由滿島光及佐藤健主演，以宇多田光經典名曲《First Love》和《初戀》作為靈感，劇情主要講述男女主角初戀分手後，相隔20年重遇嘅愛情故事，純愛劇情成功俘虜全球劇迷，掀起一波回憶殺。有網民喺社交網站出PO，討論港版Casting人選，吸引大批網民熱烈討論，唔知大家又覺得以下人選適唔適合呢？
網民撐駱振偉、鄧麗欣做男女主角
佐藤健喺劇中演活深情男主角並木晴道，網民們就認為駱振偉（Thor）、王宗堯、黃宗澤、方力申等男星適合做港版晴道。至於滿島光喺劇中飾演清新脫俗嘅女主角野口也英，網民就認為鄧麗欣、COLLAR成員芯駖及李佳芯等女星適合做港版也英。另外，亦有網民認為羅家英與汪明荃同樣適合做港版晴道及也英。
盤點Netflix日劇《First Love初戀》6大取景地 年尾去北海道朝聖！
至於年輕版方面，木戶大聖喺劇中飾演少年晴道，網民認為新生代男神魏浚笙（Jeffrey）適合。而八木莉可子喺劇中飾演少年也英，劇集一上架就有唔少網民表示會越睇越似余文樂，仲搞笑話係「余文樂扮女人」，所以有唔少網民認為如果香港翻拍嘅話要搵余文樂飾演也英。另外，亦有網民認為袁澧林及林愷玲都適合做少年也英。
《First Love 初戀》劇照
港版並木晴道人選
港版野口也英人選
亦有網民認為汪明荃及羅家英適合做港版晴道及也英
汪明荃IG
港版少年晴道人選
魏浚笙IG
港版少年也英人選
《First Love 初戀》劇照
《First Love 初戀》劇照
《First Love 初戀》劇照
《First Love 初戀》劇照
《First Love 初戀》劇照
《First Love 初戀》劇照
原文刊登於 Yahoo娛樂LOL，am730獲授權轉
ADVERTISEMENT
送大埔超級城《金馬喜迎春》禮盒
