微辣阿晶逝世｜家姐佩男發文道歉被鬧爆網民：點解你哋仲以為洗到白

微辣前經理人阿晶逝世，不少網民認為微辣團隊要為悲劇負責。微辣姊妹花佩男同思男有份參與被指影響阿晶情緒嘅「喊相」事件，阿晶離世當晚妹妹思男就開直播澄清，令佢被網民鬧爆。事隔多日，家姐佩男終於喺IG出文回應「喊相」事件，並為思男開直播一事道歉。不過網民似乎唔多收貨，唔少人留言爆粗鬧爆，更認為「點解你地仲以為洗到白」。