認停止廁紙供港錄音是其聲楊卓娜稱冇意造謠引發恐慌

昨日有報道指，楊卓娜是內地將停止廁紙供港，引發搶購廁紙潮的推手，因網上流傳疑似是她在群組的語音留言，她在該段留言說：「我哋頭先去買紙巾，因為我老公個客話我哋知，佢哋係做運輸嘅，佢哋話個物流可能有啲停滯，因為封關，咁短期內呢冇紙巾，尤其是卷裝紙巾，咁你哋考慮吓自己使唔使買少少啦，如果無嘅真係要買少少，咁又唔使好恐慌嘅。」
楊卓娜接受訪問時，直認聲帶留言者是她本人，並說：「個信息係朋友群組得嚟，冇想過會流出去。其實唔係製造恐慌，亦都冇呢個意思，希望大家從正能量方向去諗，因為依家有啲風吹草動就變得好負面。香港人依家承受好大壓力，應該要互相幫助，大家要堅持心中信念。(會否覺得好人難做？)唔知對方有心，定係無心將信息流出去，唔想去責怪任何人，只想大家保持正能量，任何資源只要大家去搶一定不足，所以足夠自己所需就好。」楊卓娜指，家中卷裝廁紙存貨只有三條，供給屋企六個人及兩隻狗用。