劉穎鏇拍劇被野生捕獲 空姐制服襯黑絲造令網民大感期待
劉穎鏇（Tiffany）於2016年參選香港小姐競選，勇奪亞軍及最上鏡小姐而簽約TVB入行，並以乖乖女形象備受力捧，被安排《學是學非》成為「是非精」，當時已被觀眾大讚人靚聲甜；去年更因劇集《超能使者》其中一幕水著造型被激讚擁有「最強Body」。
日前，劉穎鏇就被網民於機場野生捕獲，原來當時正拍攝TVB新劇《飛常日誌》。
被指係新一代打女
於劇中飾演空姐嘅劉穎鏇繫上法式包頭及穿上空姐制服，制服下更搭配黑絲，大曬44吋天賦長腿，唔少在場人士都認得出劉穎鏇。自劉穎鏇空姐造型於網上曝光後，好多網民都大感期待，表示為咗劉穎鏇到時一定會睇《飛常日誌》。
身高176cm嘅劉穎鏇曾透露自己細細個已熱愛打籃球，所以生得高；而劉穎鏇其身材一向成焦點，於劇集《隱形戰隊》中飾演反恐特勤隊唯一女隊員刑風，每集均以唔同顏色小背心亮相，露出傲人上圍與結實腹肌，睇到一班觀眾熱血沸騰，亦被指係新一代打女。
原文刊登於 Yahoo 娛樂圈
ADVERTISEMENT
【開APP領取】免費換領麥當勞叔叔之家利是封及揮春
