【可能會收信喎】hmv中國數碼設「警察陣亡」系列再抽警察水

早前警務署署長鄧炳強出席晨曦足球隊及明星足球隊的晚宴，期間一哥興奮表示自己做警察是向成龍大哥、方中信學習︰「全部都係學你哋，我唔知點做警察，睇吓睇吓就識做。」其後hmv數碼中國在其官方Facebook出post抽水︰「傳說睇吓電影就可以學識做警察，唔知睇完呢幾套電影之後，又會學到做乜嘢角色呢？小編都要落足心機睇吓先～」並推薦幾部電影。

最近有警員確診武漢肺炎，不少網民召喚小鳳姐，今日有網民發現hmv數碼中國的程式HMVOD入面，設有「警察陣亡」系列，入面列出多部以警察為題的電影，包括︰《機動部隊》系列、《逃學威龍》系列、《無間道》系列等，入面當然不能少了一哥愛看的《警察故事》，由成龍主演。有網民認為hmv數碼中國玩很大，擔心他們會收信，或引來警察支持者不滿。