商台DJ阮子健用手食飯。
首階段管制即棄塑膠餐具和其他塑膠產品法例今日(22日)起實施。連日來不少人分享使用紙、竹製餐具的問題，其中最大問題是紙叉及紙匙，有網民笑謂要倒落口才能解決餐具溶解問題。商台DJ阮子健在社交平台更示範完全走餐具的極致：用手食飯。
阮子健用手食飯，引來網民熱烈討論。
用手食燒味飯
阮子健留言說︰「學定用手食，環保最積極！話明係走『塑』，所以今日素食走素，走數走素走塑！#只要信不會問#俾啲掌聲自己#我為環保用左手#用右手放入口#第一下有啲怪#記得要洗手#我隻腳傷左要食肉」相中見到他用手食燒味飯，之後便去洗乾淨食飯的手。
有網民表示：「想喊，可能係太感動，為環保可以去到幾盡！」亦有人要求他示範如何食滑蛋牛飯、肉醬意粉及咖喱牛腩飯等多醬汁類的食物，但最意想到的是，有人要求他試用手打邊爐。阮子健回覆稱會努力練習用手食不同東西，同時笑謂「希望可以試到煲仔飯。」
ADVERTISEMENT
【開APP領取】免費換領麥當勞叔叔之家利是封及揮春
