湯怡自爆麥秋成曾兩度表白透露當時串咀反應：咁又點呀？

湯怡與麥秋成於2021年奉子成婚，同年6月誕下女兒「麥QQ」，一家三口不時在社交網放閃，分享甜蜜的親子日常。昨日湯怡與網民玩你問我答時，就大爆原來當年麥秋成曾兩度表白，更透露自己當時的反應，相當搞笑。

湯怡先表示昨日出街車都未落，就被女兒QQ嘔到成褲都污糟了，並問網民昨日過成點；其後，有網民留言表示突然受到男仔向她表白，湯怡即大方自爆當年麥秋成亦曾兩度向她表白，並透露自己當時的反應：「曾經有位人兄同我表白，我驚到唔知有咩反應，之後答佢『咁又點呀？』好串呀可？其實我係好驚，隔多排佢再表白多次我十分鐘都無出過聲，最後佢做咗我老公 @mcshing」場面既浪漫又搞笑。