泳兒(李睿哲攝)
唔少藝人都會留意討論區網友點睇自己，甚至會開account玩埋一份。剛剛喺叱咤頒獎禮上，獲得入行17年來首個叱咤樂壇女歌手銀獎嘅泳兒，原來係一位連登絲打！
泳兒
話說泳兒得獎後，有網民搵返4年前一個post，樓主係網名「深井小燈籠」嘅女user，同大家玩「你點我唱」。當時反應唔錯，「深井小燈籠」亦有求必應，唱咗好幾首歌。泳兒出名唱功好聲靚，扮素人話咁快有人認得，但居然亦有人唔認得泳兒把聲，仲讚佢似謝安琪！
深井小燈籠2.0再玩「你點我唱」
4年後嘅今日，個post再次浮上水面，而「深井小燈籠」亦開咗個2.0版本帳戶，再同網民玩「你點我唱」。今次佢唱咗呢期好hit嘅First Love、叱咤得獎歌《到底發生過什麼事》、《小心地滑》同埋生力軍金獎Jeremy（李駿傑）嘅《半》。識做嘅網民亦有叫「深井小燈籠2.0」唱泳兒嘅《黛玉笑了》、《葉落冰川》等。
立即更新/下載AM730手機APP 體驗升級功能
