51歲張文慈突宣布暫停帶貨 。
現年51歲的張文慈（Pinky）今年5月與深圳一間傳媒公司簽約，並由廣州搬到深圳，主攻服裝直播帶貨；不過，張文慈日前卻突然在社交網上載短片，宣布要暫別帶貨生活，更透露主要是因身體無法負荷。
張文慈表示近來身心透支得好緊要，寫道：「因為最近身體嘅理由啦，身心透支得好緊要，體能我覺得開始支持唔住，所以我同公司講咗，佢哋都尊重我嘅決定。很感恩嘅，呢段時間我嚟咗深圳公司學咗好多嘢，公司都畀咗好多資源同機會我，做直播真係唔係咁容易囉，特別係我係做服裝主播嘅。」至於未來去向，她表示：「我諗我會想放個假先啦，多啲陪屋企人囉。至於你話我仲會唔會帶貨呢，我暫時未諗到咁長遠，不過可能我短時間都會休息下先。」最後她亦有感謝一班粉絲多年來的支持，並寫道：「感謝平台讓我認識到你們，感謝公司的支持讓我進步很多，感恩有你們一直的陪伴。愛你們！」
立即更新/下載AM730手機APP 體驗升級功能
