梁漢文在社交網大曬麒麟臂。
BIG FOUR成員張衞健（Dicky）、許志安、蘇永康和梁漢文（Edmond）即將在8月9至11日於紅館舉行一連三場「BIG FOUR HAPPY TO SEE YOU ALL演唱會2025」，門票早已全部售罄。距離開騷還有一星期多，近日4子密鑼緊鼓綵排和練歌，梁漢文和許志安更分別在社交網曬做gym操練成果。
梁漢文在社交網貼出幾張照片，見他穿上一件灰色背心，大曬麒麟臂，相當吸睛，不過操練同時 ，向亦忍不住孖蘇永康及許志安去掃街食燒賣，他寫道：「最近呢段時間，我哋幾個都全程投入，落足心機去準備10日後嘅演唱會。我哋除咗會為自己solo部份付出百分百努力之外，亦都會關注對方嘅演出，給予一些客觀嘅意見，希望大家都會做得更好（雖然我哋最近都會為演唱會食少啲，但係今日綵排完不幸地經過篤魚蛋，我只可以大聲話俾大家聽……..我忍唔到啊......一齊篤幾粒先啦！」而許志安同樣亦在社交網大曬操肌成果，並充滿自信表示：「準備就緒」他更分享粉絲特意為他造的應援薯片，見薯片包裝印上Big Four演唱會宣傳海報的照片，相當精美，許志安忍口表示：「完show 先食」。
ADVERTISEMENT
請你食東海堂全新鰹魚湯櫻花蝦蘿蔔糕！
