蔡嘉欣一行多人影民族寫真。
2019年落選港姐蔡嘉欣（Kayan），因經常曬名牌被封「拜金港姐」，她於2023年下嫁拍拖7年的富貴男友Derek，婚後生活無憂，經常周遊列國，主力搞KOL工作。日前，蔡嘉欣就與家人及朋友到雲南旅行，向來食好住好的她，一反常態選擇搭廉航就「出事」了！
蔡嘉欣連日來在社交網大曬旅行靚相，除了入住4800人民幣（約5250港元）一晚的180度海景房之外，又大嘆680人民幣一位（約744港元）的餐廳，更一行多人影民族寫真，行程大滿足。不過，激罕搭廉航的她，就相當不滿，並帖文鬧爆這次搭飛機的體驗，她表示：「我們第一次乘坐國內的廉航，原來我哋買機票時冇購買到行李（自己唔知），然後廉航竟然細篋不能hand carry，全部都要寄艙，嚇到我立即把行李的全部相機和電腦拿出來，然後每個行李每公斤收費$20，我們咁多人淨係畀行李都畀咗千幾蚊，貴過張機票。」蔡嘉欣續指：「上咗飛機之後仲有連續10分鐘開咪嘅轟炸式廣告，啲廣告勁過我哋YouTube廣告，語速非常快！你話唔正咩？（留意我哋係坐飛機尾三嗰行都咁大聲廣告，你話唔正咩？）」片中，見蔡嘉欣戴住耳塞，對空姐狂Sell產品感到非常憤怒。但不少網民都指她離地，並謂：「好多廉航一向都唔包行李！」、「廉航就係咁，一分錢一分貨」、「冇人逼你撘」。
ADVERTISEMENT
送大埔超級城《金馬喜迎春》禮盒
