全裸照由媽咪操刀王麗嘉被網民留言嚇親

王麗嘉日前在社交網上載了一張在峇里渡假時影的全裸淋出浴照，她指外界反應很大，所以她要關閉留言功能。問到是否接受不到網民意見？她說：「有啲男人講啲嘢好猥瑣同核突。」她指相片是由媽媽馬詩慧提議操刀拍攝，因覺得個廁所好靚，媽咪也知照片會放上網。問到是否嚇親爸爸？她說：「因為啲核突留言tag 埋我爸爸，我睇到都唔舒服。（會唔會因為爸爸而唔再放太性感啲相？）唔會，因為啲相靚，而且爸爸冇話唔開心。（媽咪有冇鼓勵你影寫真？）冇，而家唔係好想影，喺香港唔會，喺美國可能就會，因為香港啲男人啲眼光好唔尊重冇禮貌。」

剛慶祝24歲生日的她大呻感到好sad，因覺得自己好老，她表示生日都是同屋企人食飯，問到收到甚麼禮物？她說：「我好少收禮物，禮物唔重要。（收現金？）生日冇，平時我啲收入會入畀媽咪，媽咪會喺戶口過返數畀我。」現時沒有拍拖的她，亦沒有追求者的她，笑指可能因為太高，男仔好驚她，追求者多是外國人，自己有五呎十，男友最有六呎高。