洪金寶一時靠柺仗，一時要坐輪椅，令網民估計他是接受了「神秘液體」。
武打巨星李連杰早前入院做手術，網民發現他出院之後精神、樣貌更勝從前，未幾傳出他入院是換心臟、換血去令自己更年輕。由於過去網民捕獲的李連杰都是非常老態，如今卻回春十幾年，因此陰謀論四起。沒想到，這個陰謀論更「燒」到洪金寶身上，事關大哥過去需要靠輪椅出入，但近日發現他行動自如，令網民估計他接受了「神秘液體」。
洪金寶今次躺著也中槍，認真無辜，由於大哥近年平日出入會坐輪椅，但每當出席活動，或者要工作時，便會用枴杖撐著。洪天明日前到好友吳家樂及鄧兆尊主持的網上節目《娛樂好好玩》當嘉賓，除了大讚老婆周家蔚及食花之戀外，並在節目中解釋爸爸有時不用坐輪椅的原因。
洪天明表示很無奈，因為很多人會相信一些傳聞︰「有啲人唔係淨係話我爸爸洪金寶，話李連杰都係唔同咗喎！都問我『你有冇食啲咩藥或者做咗咩』，其實網上有好多揣測，話有咩治療，其實冇嘅！拍嘢你唔會坐輪椅出嚟㗎嘛！大家要理解，因為佢咁多年嘅工作，咁多年嘅動作戲，佢又肥，所有壓力喺晒膝頭度，佢膝頭痛呀，當骨頭磨骨頭，隻腳會好痛，所以佢咪選擇坐囉！」他又指父親年紀已不小，當然會選擇自己舒服的方式，但強調洪金寶的身體沒問題，著大家不要太擔心。
ADVERTISEMENT
請你食東海堂全新鰹魚湯櫻花蝦蘿蔔糕！
