娜姐眼鏡中再有眼鏡，繼續保持時尚教主地位。
紐約時裝周進行得如火如荼，同路巨星雲集爭艷。樂壇大姐麥當娜(Madonna)當然亦有出席。但娜姐貴人善忘，時裝騷開始後仲未到會場，遲到的她惟有急步赴會，點知貪快差點仆X，仆X一刻被粉絲影晒。
專人攞住褸尾，氣定神閒急步行。
點知唔夠兩秒，成個人差啲仆直。
捉人保平衡
66歲娜姐穿上淺啡長褸和皮boot，鞋踭不算高，步行無難度。娜姐當時只行快幾步，突然失平衡向前仆，幸好前面有工作人員，娜姐快手捉他手臂才可保持平衡避免出醜人前。終於趕到會場，差不多已坐滿人。因為眾人也知她差點仆，所以特別引人注目。之後，娜姐又再趕去另一個時裝騷睇衫。
見慣大場面的娜姐繼續神氣睇騷。