張學友前晚在紅館舉行世界巡迴演唱會尾場，一班圈中好友包括劉嘉玲、胡楓、葉童、梁家輝和舒淇等，均有到場支持，完show後張學友自言經過233場巡迴演唱後很不捨，又說這次演唱會最大收穫，是與大女兒張瑤華的關係拉近了。
完成233場巡唱的張學友，直言有失業的感覺，他說：「唔知道聽日要做啲乜！」他又稱：「唔敢說下次有冇咁好表現，不過今次係我覺得最滿意嘅演唱會，所以自己叫停，希望可以挑戰自己，做啲唔同嘅嘢俾樂迷睇。」問張學友巡迴233場，是否賺了過億歌酬，他即笑說：「喂！講錢失感情啦。(賺的都是辛苦血汗錢？)你哋都睇得出呢。」
女兒成為頭號歌迷
提到其大女兒張瑤華，每場都有前來支持，成為他的頭號歌迷，張學友一面慈父樣說：「係呀，太太都有嚟睇，喺控制台度睇，細女都有嚟睇咗5、6場，佢返學時間夾唔到。今次係一個收穫，同大女多咗話題。」問到其大女兒給爸爸的演出有甚麼評價，張學友續說：「佢嘅意見唔係好專業，冇乜參考價值。」
張瑤華坐頭排欣賞「歌神」爸爸的演出，更連續多晚興奮與張學友握手。
ADVERTISEMENT
送大埔超級城《金馬喜迎春》禮盒
