梁釗峰賀張栢芝添丁霍汶希否認周勵淇奉子成婚

周柏豪、梁釗峰、鄭欣宜及謝安琪等，昨日於將軍澳出席《第41屆十大中文金曲頒獎禮》。

周勵淇宣布與內地男星傅浤鳴結婚，其經理人霍汶希說：「佢哋係拍戲認識，周勵淇係低調嘅人，佢依家好專注工作，唔想提私人事，佢哋識咗一段時間，再見面就一齊咗一段時間，互相了解後認為係適當時間，就作出結婚呢個決定！」有傳周勵淇是奉子成婚，霍汶希就代為否認。

張栢芝昨日在社交媒體承認生了第三胎兒子，其前度緋聞男友梁釗峰說：「當然替佢開心，恭喜佢啦，栢芝好鍾意小朋友，呢排我哋少咗聯絡，等我忙完工作，會花啲時間問候佢。」