林燕妮追思會蔣麗萍︰無憾佢仲賺咗幾個月

一代才女因肺癌離世，喪禮已於上月底舉行。前日一班教友為林燕妮舉行追思會，胡美儀、陳少霞、蔣麗萍以及姚煒到場一齊懷緬這位好友。

蔣麗萍是林燕妮的團契組長，她指跟林燕妮走過不少難過日子，她說︰「好感恩佢有呢個信仰，能夠跨越困難日子。其實佢都無憾同賺咗，因為上年係估佢嘅生命去到年尾，佢已經賺多咗幾個月啦！」蔣麗萍又指林燕妮一樣愛美，在人生最後的時間都比較少見人，希望大家停留在她最美一面。

胡美儀稱林燕妮的文字可以鼓勵到不少情緒受困擾的人，並稱︰「令佢哋得到一條鎖匙。」同屬一個團契的陳少霞，大讚林燕妮是一個好靚，好sharp嘅人，她說︰「佢有一種懾人嘅氣質，我睇好多佢嘅作品，佢係一個好感情嘅人。」

姚煒與林燕妮相識多時，她說︰「佢係一個完美主義者，佢同黃霑一齊時，我哋好熟嘅，後來有好多經歷發生，佢心裡面後來係有啲唔滿足同唔開心，唔知點解，後來佢喺見證度得到一種好奇怪嘅平安同喜樂，在查經班認識主多咗，到佢臨走時，都非常之安靜。」