《903 AllStar 籃球賽》於昨晚(11日)在亞洲國際博覽館Arena舉行，歌星勇士隊與903 DJ隊進行4場的籃球激戰，歌星勇士隊在最後一戰反敗為勝，最後奪得冠軍。
ERROR在完賽後接受傳媒訪問，戴著「金指環」興奮派心，193(郭嘉駿)在最後幾鐘連環入球，成為球隊取勝的關鍵一員，梁業(肥仔)、何啟華(阿Dee)和保錡齊齊以「呢個係我朋友」來介紹193，自言ERROR的氣氛製造者，大談「扮輸取勝」的策略，並笑言在音樂上無法獲叱咤獎，在籃球賽奪獎也算零的突破。
ERROR四子戴著戰利品「金指環」興奮派心。
193失落MVP獎不失望
193入球最多卻未能奪得MVP球員獎，他表示， 「無所謂，姜濤值得攞嘅，我哋對獎呢啲好浮雲。」談到姜濤傷勢，各人表示不大清楚，但他已入院接受治療，193認為，「做運動員受傷係經常發生嘅事，所以都希望佢唔係一件大件事嚟。」
ERROR經常公開表示想跟Do姐(鄭裕玲)合作拍《 #Do姐ERROR遊 》，193直言想跟Do姐拍戲，更表示想與Do姐拍吻戲，肥仔立即說：「舉腳贊成，我想睇！」阿Dee反問：「問過Do姐未？」
amJetso 送BIODERMA救星小紅瓶🩷護膚恩物 立即按此參加👇
