【小心動胎氣】石田壹成嫩妻哭訴被欺凌

日劇《同一屋簷下》43歲日本男星石田壹成，月初宣布同19歲舞台劇女星飯村貴子奉子成婚。今次係佢第三段婚姻。自兩人認愛後，經常高調晒愛，又自曝早已同居，更公開愛巢，雖然雙喜臨門，卻得唔到外界祝福。日前飯村貴子po出兩人食飯相，但枱上有個香煙及煙灰缸，似係石田壹成嘅，佢挨轟「咁大個人，都唔為懷孕嘅老婆著想」。而飯村貴子亦喺社交網站委屈哭訴被網絡欺凌，惡意中傷嘅言論令佢感壓力。