【同打令放閃】Katy攜奧蘭多見教宗

現年33歲嘅美國樂壇天后Katy Perry，今年2月被踢爆，同41歲英國型星奧蘭多布魯(Orlando Bloom)已喺布拉格秘密結婚；又喺巡迴演出上大方稱奧蘭多「老公」。昨日佢地一齊去梵蒂岡見教宗，兩人關係更上一層。據外電報道，教宗為癌症病人募款，特別邀請各界人士出席，Katy係其中之一。昨日佢打扮密實端莊，同奧蘭多坐喺前排專心聆聽教宗演講，仲起身握住教宗嘅手致意，表現有禮。事後，Katy喺IG上PO文，表示「我與媽媽、打令(奧蘭多)及經理人喺羅馬梵蒂岡，度過美好的一天」。