【假戲真做】結衣星野源保護戀情拒拍《逃跑2》

29歲日本人氣女星新垣結衣，憑日劇《逃跑雖可恥但有用》再創事業高峯，獲封國民老婆，佢同男主角星野源亦經常傳出假戲真做。近日有媒體報道兩人將於今年閃婚，兩人為求保護戀情，因此拒演續集。新垣結衣曾喺節目上公開表示「想喺30歲前結婚」，兩人隨時會喺今年內閃婚。近期《女性Seven》更踢爆，星野源突然搬到新垣結衣屋企附近，步行僅幾秒就到，唔少fans猜測兩人係拍緊拖，對「新星戀」樂觀其成。