【希望冇大礙】竇唯醫院落寞打點滴

48歲王菲前夫竇唯，前日被網民捕獲獨自喺北京某醫院打點滴，當時所見佢氣色不太好。由相片所見，竇唯打扮如常低調唔起眼，但佢嘅「道士頭」依舊搶眼，喺人群中一眼就認到。佢當時呆坐喺醫院大廳打點滴，表情木然，睇起嚟有啲落寞，冇同人交談；至於因乜事打點滴？網民話，近來北京好多人感冒，竇唯疑似發燒，因而到醫院就診咁話。