【私密照外洩】《鬼怪》三神奶奶李伊上載金材昱半裸床照

由孔劉主演嘅人氣韓劇《孤單又燦爛的神－鬼怪》，劇中飾演「三神奶奶」嘅李伊自曝戀情。佢昨日喺IG貼上《愛情的溫度》男主角金材昱半裸床照爆戀情，隨即引來網民逼問兩人係咪拍拖？事後李伊已將IG設為非公開，經理人火速澄清兩人只喺朋友，相片係合作音樂劇時，金材昱喺休息室睡覺時，被李伊拍下上傳嘅，李伊亦對金材昱表達歉意。
佢地因合作音樂劇結緣，金材昱去年拍攝《愛情的溫度》，李伊當時已被踢爆送咖啡問暖，又以以「我係粉絲」自稱；上個月李伊主演電影《風風風》舉辦試映會，金材昱亦到場力撐，兩人交情深厚。