【金棕櫚獎揭盅】是枝裕和《小偷家族》摘康城金棕櫚獎

第71屆康城影展最高榮耀金棕櫚獎由日本名導是枝裕和嘅《小偷家族》奪得，同時成為影史上第四位獲得金棕櫚獎嘅日本導演。佢由評審團主席姬蒂白蘭芝手中接過獎座時，神情緊張，卻難掩喜悅。佢上台領獎時自言不禁腳震，又話參加呢個影展令佢有勇氣繼續拍電影。
佢係受訪時，將今次得獎歸功於演員及製作團隊：「因演員同製作人員合作無間，才創造呢部超出我個人實力嘅作品。」《小偷家族》用咗10年時間構思，演員包括Lily Franky、安藤櫻、松岡苿優及樹木希林等。劇情以一個居住在東京，只能靠老人年金同偷竊維生嘅家庭為主軸，探討何謂真正嘅家庭關係，細膩劇情及演員精湛演技，獲得評審團一致好評。