AGA開騷請來「伯樂」Fiona做嘉賓。
AGA江海迦日前於東莞銀行籃球中心舉行《AGA ONEDERFUL LIVE》的第二站巡迴演唱會，全場爆滿。
今次東莞演唱會，AGA更邀請了薛凱琪任表演嘉賓，Fiona對 AGA來說是她創作生涯中一位非常重要的人，AGA未正式出道時，創作3年都未獲任何歌手賞識，直到Fiona聽到《Better Me》的demo，便向公司表示一定要錄這首歌，結果令AGA成功賣出第一首作曲的作品，亦是她人生中第一首創作的歌曲，所以AGA至今仍然很感激Fiona的賞識。
AGA很感激Fiona的賞識。
AGA稱第一首寫的歌是《Better Me》，因為當時失戀而有很多情緒︰「第一次失去一段感情嘅時候，我覺得好可惜，就喺度諗究竟自己做錯啲咩呢？每次唱呢首歌都會激發自己，勿忘初心，be a better me。我做作曲人嘅時期，3年都無人欣賞。有一日零晨3點，有人message我，話呢首歌嘅訊息同故事令佢好感動，跟住呢首歌仲好受歡迎，令我覺得原來我都得㗎喎，我都可以寫到歌，非常之多謝你，唱我呢首歌。」
Fiona亦覺這首歌療癒了自己，她對AGA說：「雖然你係愛情上嘅失戀，但我係成個人生都失戀嘅時候，人生呀，個腦呀，好多方面，就係因為呢首歌嘅demo 鼓勵咗我，所以我就同公司講我一定要唱呢首歌，其實我當時隻碟係已經夠晒歌，但我都一定要唱。你以為你做一首歌療癒自己嘅心靈，其實你都療癒咗我，同埋幫助咗好多人療癒佢哋嘅心情。我真係好想同你講，我好多謝你。希望你嚟緊可以再作多啲歌，俾多啲正能量我哋。」兩人更首次同台合唱《Better me》，AGA更一度感觸得眼泛淚光。
Fiona多謝AGA的歌治癒了她。
是次開騷發生一插小插曲，AGA彩排時，不小心弄傷了右腳，膝頭位置筋腱發炎，非常疼痛。她原本想忍痛完成所有舞步部分，但由於舞台設計呈斜傾角度，加上開場時solo部份有些坐在地上的舞步，會對膝頭蓋做成壓力，故此排舞師特意改動舞步，AGA能順利完成演出。
AGA在IG分享了演出的花絮並留言說︰「喜歡做演唱會，大概因為可以很單純地用音樂去表達所有，台前幕後所有人也在他們的崗位盡力，成就著同一件事。幸運遇上充滿着愛的每一位超能人，一直支持著我，讓我每一次也完全能專注地表演。感謝你們，下一場再見。」
AGA赴傷演出。
和記行集團70周年聖誕送7大厚禮🎁 冷氣機 |風扇 |車用揚聲器 立即帶返屋企👉
