2024-12-04 14:08:18

Ah Gi樊沛珈拍節目遇溺與死神擦身而過開啟「陰陽眼」

「鬼王」潘紹聰與Ah Gi樊沛珈主持的全新靈探節目《台灣都市傳說》，目前正於ViuTV逢星期一至五晚上11時播出。節目將帶領觀眾深入台灣，探討紅衣小女孩等經典靈異傳說，並到訪當地著名鬧鬼熱點，節目出街後網民對「黑面女神」Ah Gi的表現一致讚好。

有網民在Threads談起《台灣都市傳說》，認為Ah Gi在節目中的表現恰如其分，更寫：「你會覺得佢驚但又盡量保持冷靜，好努力咁保持主持人應該有嘅專業，老實講唔容易㗎。好嘅演員要撐，好嘅主持都要撐。」對於獲得好評，Ah Gi亦有親自留言答謝網民：「大數據推咗俾我，多謝你留意呢個節目。今次係驚，希望遲啲有機會俾大家睇到我興奮一面。」

瀕死後「陰陽眼」體驗

Ah Gi近年成為MakerVille旗下藝人，主力向主持界發展，去年獲ViuTV安排到泰國蘇梅拍攝旅遊節目，當時Ah Gi進行潛水拍攝時不幸在水底遇溺，好彩及時獲救及入院就醫，但卻令她感覺與死神擦身而過。因這次瀕死，Ah Gi疑似開了「陰陽眼」，她試過有一次俾鬼壓，並見到有靈體瞓在她床邊，有師傅指她是因為遇意外險死疑開了「陰陽眼」，但過了一段時間，Ah Gi目前沒有再好實在地見到靈體。