Anson Lo新歌《EGO》談網絡欺凌，以影像呈現隱了名的尖酸留言似殺手。
Anson Lo 在新歌《EGO》MV中坐電椅，比喻被公審的難受。
Anson Lo 新歌《EGO》化網絡欺凌為動力 冒寒排舞拍MV跳到嘔
人氣男團MIRROR成員Anson Lo(AL, 盧瀚霆)推出本年首支跳唱快歌《EGO》，新歌MV滲入科幻及暗黑元素，透過坐電椅、被困監獄、槍擊、圍攻等狀況，呈現網絡欺凌及語言攻擊的傷害，同時鼓勵人際間的尊重與諒解。拍攝MV當日正值嚴寒，AL抵著攝氏10度低溫在屯門拍攝，又跳又唱拍足16小時，單是排練密集式舞步，已令他跳到嘔，向來好跳得的他不禁大嘆是最辛苦一次。
新歌《EGO》主題圍繞網絡欺凌及語言攻擊，藝人難免被觀眾評頭品足，AL卻說早於在學期間，已經歷朋輩間互評的現象，「中學時大家都會評論靚唔靚、醜唔醜，入行後接觸觀眾層面更廣，當然會有更多評論，坦白講如果我話冇唔開心就呃你，與其沉溺喺畀人鬧嘅唔開心，不如諗個解決方法，點樣去做好啲、改善到咩程度，人哋先唔會再鬧，所以我最舒服去處理網上評論，就係將評論化成動力。明白每個人都有權利發表意見，當做呢一行更要接受觀眾對自己評頭品足，一舉一動一定有人鍾意或唔鍾意，呢啲冇對與錯，但當表達自己意見同時學識多一份尊重同諒解，社會會更開心。」
Anson Lo 在新歌《EGO》MV中大跳勁舞，單是排練已跳到嘔。
繼去年在《一所懸命》和《Burn Out》的跳唱歌風格後，今年AL再展「舞者」風範，他表示，「我跟排舞導師說過，想要一隻密集式同超大動作的舞蹈，有一種盡量唔好停頓嘅感覺，老師真係排咗隻同我講法一樣嘅舞。哈哈，雖然我有少少後悔，但今次係 一個好嘗試，平時上到舞台，可能要兼顧好多嘢，所以舞蹈上減弱少少，今次呢隻舞可以話係All in。」他形容，新歌舞步是入行以來最辛苦的一次，拍MV前排足四日兼跳到嘔，他笑言是很好的訓練體能或減肥方法，「排舞去到中段時，有種負苛唔到嘅感覺，有一、兩次仲排舞排到嘔，一氣呵成跳晒成隻舞，感覺好似跑馬拉松後好氣喘、完全唔想講嘢嘅狀態。」
amJetso 送BIODERMA救星小紅瓶🩷護膚恩物 立即按此參加👇
