獲「Mnet Asia Music Awards」(MAMA)頒發「最佳新人亞洲歌手(華語地區)」的盧瀚霆(Anson Lo)，今日下午出席其主演的電影《假冒女團》謝票活動，吸引數百神徒到戲院門外等候，場面非常墟冚。他與花姐落車的時候，在場的神徒不停尖叫，有不少人大叫「教主」、「恭喜教主拎獎」，又送上禮物、賀卡及鮮花，Anson Lo一一接過並連番點頭向神徒道謝。
Anson Lo今日出席《假冒女團》謝票活動，吸引數百神徒到場。(網上影片截圖)
有小妹妹送禮物予Anson Lo。
感激觀眾支持
Anson Lo、Chloe與陳紫萱等在戲院多謝大家的支持，Anson Lo說︰「好多謝大家嘅支持！有冇人係同我第一次見面？」場內的fans隨即起哄。他續說︰「無論見過定第一次見都好，多謝大家積極支持呢套電影！呢部電影對我哋嚟講喺演藝上好大嘅嘗試，有你哋支持好重要！」他又問入場的觀眾看了多少次，有人用手指示意已看五次或以上。
花姐與Anson Lo落車的時候，在場的神徒不停尖叫。(網上影片截圖)
場面非常虛冚！(網上影片截圖)
期望再參與電影拍攝
之後Anson Lo再次多謝大家買飛入場，他說︰「好多謝大家，一開始我哋都擔心好多嘢，無論係自己嘅演技，定係大家鍾唔鍾意呢個方向或題材，希望再有機會參與電影拍攝，可以令大家看到全新嘅Anson Lo。」在他離開的時候，場內不少fans都向他送上鮮花及禮物。
相關新聞：
MAMA｜Anson Lo衝出香港 勇奪亞洲區最佳新人
儲齊Anson Lo姜濤Edan單曲奪冠 Wyman揚言要為花姐寫歌
amFUN聖誕狂賞🎁狂送UNICO迷你遊戲機、主題公園門票、Panasonic鏡燈👉
