ANSONBEAN推出冧爆情歌《聰明豆》，邀來阿冰擔任MV女主角。
ANSONBEAN出道以來的曲風均是題材較為沉重的HipHop類型，包括《RISE》、《OMG》以及《LOVE / PAIN》，趁住今年情人節，ANSONBEAN滿足粉絲推出冧爆情歌《聰明豆》，親自填寫Rap詞，邀來電影《1人婚禮》主角、「小薯茄」的阿冰擔任MV女主角，組成「豆冰CP」在MV中耍花槍。
《聰明豆》的MV今日首播，「豆冰CP」以嶄新配搭奉旨耍花槍。
原定聖誕推出
ANSONBEAN透露，《聰明豆》原定是去年聖誕節推出，結果今年情人節才告面世，他說：「今次新歌邀請舒老闆（舒文）幫我度身訂造一首情歌，佢係一個好嚴厲嘅監製，教識咗我好多嘢，原本首歌係聖誕節推出，但我哋想再做好啲，不斷改進，最終變成我2023年第一首派台歌，多謝舒老闆幫手邀請Wyman填詞，我好開心。」《聰明豆》班底強勁，據知錄歌時，舒文轉傳Wyman的WhatsApp錄音給ANSONBEAN，幫助他更了解和投入歌詞內容，ANSONBEAN說：「當時段錄音係話，『呀！呢條女好煩呀！究竟佢諗緊咩？』，佢想我表達嘅感覺唔係好慘、唔開心，而係好似跟朋友吐苦水，遇到一個對自己若即若離嘅女仔，希望可以好似歌名咁，食粒聰明豆，解決到呢個煩惱。」
《聰明豆》原定是去年聖誕節推出，結果今年情人節才告面世。
曾遇感情煩惱
現實生活中，ANSONBEAN可有遇過這種似有還冇的女孩子？他坦言在英國讀書時曾經遇過，當時同樣找不到方法解決，未能令關係更進一步，他說：「其實呢首唔單只係一首情歌，套用喺人生、工作上都可以，以我自己為例，我性格好『衝』，有陣時錄歌、練舞，覺得用『力』可以解決問題，所以錄《聰明豆》嘅時候，舒老闆不斷叫我聰明啲去諗，點樣可以唱好啲，所以呢首《聰明豆》除咗係情人節送俾豆粉嘅禮物，同時亦提醒我自己，做人要聰明啲。」
amJetso 送BIODERMA救星小紅瓶🩷護膚恩物 立即按此參加👇
