Beanies到台灣拍攝新歌MV，遊走不同地方。
新晉唱作女子組合「Beanies」繼2月情人節推出首支派台作品《公主抱》後，第二首派台作品《最佳女團友》於昨日（16日）正式上架。新歌由Beanies成員Jaime張天穎、Geor陳樂頤、Chiutung潘釗彤、Kay李凱翹及Winky黃健怡及蘇道哲一同作曲、填詞方面則找來小克操刀，Beanies表示這是她們首次跟二人合作，「最開始係我哋五個自己一齊創作，出咗好多個唔同嘅demo版本後，我哋就遇上阿道（蘇道哲），好快我哋約上錄音室傾吓又Jam吓，互相了解大家嘅創作，然後阿道再畀多啲inspiration我哋，最後就得出咗今次呢首歌。」
5女有份參與新歌創作。
MV部份由人氣YouTuber兼導演Boris操刀，團隊齊齊飛到台灣拍攝並遊走多個場景，包括：新竹民宿、內灣車站、「內灣老街」夜市、溪澗等，行程緊密。歌曲講述Beanies五人一起旅行，聯群結隊搭飛機、一日食六餐、傾計傾天光、半夜行千里，只為了吃一碗涼麵。五個人就這樣在巿中心遊蕩，笑着笑着，頃刻忘記了現實所有的煩惱。旅程完結，在機場道別後，眾人分別向不同的方向離開。雖然心知再難齊人手拖手看世界，但心裏永遠也會有一個位置留給對方，在大家未來的旅途上繼續一起成長。
歌曲講述Beanies五人一起旅行。
提到拍攝難忘事，Chiutung及Kay表示冒雨爬溪澗，Kay更跣腳跌倒；Winky則謂清晨五時起床化妝預備拍攝；Jaime坦言走獨木橋最驚心動魄，「我腳震呀，因為我畏高，每行一步條橋都會搖，最後Winky孭住我，公主孭，哈哈。」Geor指這次拍攝過程很多驚喜，原來是因為拍攝團隊跟Jaime一早夾好，Jaime謂：「好多嘢都係Boris同佢哋個team同我講：『嗱，我哋陣間會咁咁咁，但你唔好講住，我要拍佢哋最真實嘅反應。』我忍得好辛苦呀。」
不過，講到最難忘的事，五人一起說：「今次旅程令我哋最難忘嘅係五個人一齊中咗甲型流感，發燒發到去埋台北急症室！小克嘅歌詞好似寓言咁全部都成真，最終五個都宣告陣亡！」Beanies五位成員中哂甲型流感，其中，Geor 及Chiutung更因為發高燒而要到台灣當地醫院求醫，一世難忘！
Chiutung及Kay表示冒雨爬溪澗，Kay更跣腳跌倒。
amJetso 送BIODERMA救星小紅瓶🩷護膚恩物 立即按此參加👇
