《CHILL CLUB推介榜 年度推介21/22》圓滿結束，MIRROR及其成員包辦多個獎項。Anson Lo(盧瀚霆)不但獲得男歌手金獎，並憑《Megahit》獲頒「年度之歌」，加埋組合金獎，絕對是大贏家。
Anson Lo受訪時再次多謝投票及支持的fans︰「我哋嘅成績比上年多咗，係一件值得鼓舞嘅事，係好開心，多謝大家繼續支持。」提到Anson Lo在台上表示每位成員都很攰，他解釋︰「因為大家都忙緊拍戲、拍緊劇，大家都唔夠休息，之後彩排傾起邊個瞓得最少，原來Lokman同AK瞓得一個鐘。」
MIRROR透露近日忙於趕工作進度，眾人表現疲累不堪。
AK：希望返屋企瞓覺
對於MIRROR獲得不少獎項，Lokman就搞笑表示是「天意」︰「係好彩大家鍾意我哋作品，又好彩入到圍，又好彩攞到獎，又好彩大家鍾意我哋，呢啲都係天意，哈哈哈！」問到MIRROR如何慶祝，AK表示希望可以回家瞓覺，Lokman也說︰「好需要睡眠同食嘢。」他指因為疫情令不少工作延後，現時因為疫情變得穩定，於是要趕回進度。
提到MIRROR將會舉行演唱會，Lokman透露大家也與花姐等不停開會，希望可以有新的表演項目，當大家完成手頭上的工作後，便會全情投入彩排，也預留了檔期到時每天上堂。
MIRROR大熱奪得組合金獎。(林俊源攝)
Lokman、AK透露眾人近日忙趕工作進度，因而沒時間睡覺。
入App免費換走健康產品
