C君生日與老婆食拉麵慶祝。
昨日(22日)是農夫的C君40歲生日，他與太太黃天頤外出撐枱腳，但他們並沒有特別挑戰特別餐廳，而是去連鎖拉麵店。不過，黃天頤就將「40」這個數字的蠟燭插在日式叉燒上，搞到生日變拜神，情景非常好笑。
黃天頤在社交平台上透露原來打算去快餐店食漢堡包，「我諗住好有儀式感買定兩支蠟燭駛開佢再插落個burger度，點知到我收工，佢突然話要食拉麵，我心諗：大佬！拉麵點插蠟燭啫？！結果……我好似拜神咁插落啲叉燒度！我祝你年年都有今日啦，生快 my love！」
C君用筷子夾起蠟燭。
壽星C君則貼出照片，從他的角度看上去，除了有拉麵及插了蠟燭的叉燒外，還有兩隻雞蛋。他寫道︰「我40歲生日想食乜？我話想隨便啲，提醒自己做人都隨意啲，原本話食five guys，又喺尖咀經過一蘭就不如食拉麵，點知佢原來準備咗蠟燭插喺個burger度當生日蛋糕，而家變咗插喺啲叉燒度，似拜神又似拜山。」
C君的角度。
amJetso 送BIODERMA救星小紅瓶🩷護膚恩物 立即按此參加👇
