Eason早前在演唱會上被要求說普通話，一度黑面兼話歌迷。
陳奕迅（Eason）早前因感染病毒而需暫停演出，他表示現已完全康復，並自嘲年紀大，開始養生，更謂自己近年戒食煎炸嘢、甜嘢。他說︰「我以前好鍾意食牛腩麵，依家幾個月食一次，又唔會好恨，依家中女咁飲暖水咋！最影響血液係茶走囉，唔會成日飲。以前會一個五香肉丁、加辣椒油、煎雙蛋，好重口味！依家一個牛油果、麵包、沙律已經好正。」
提到早前他在演唱會淚灑舞台，是否因為壓力太大，他表示不是，坦言自己從來覺得開騷是好看，只是當下投入了一個感覺。他提到有些歌迷的表現很靜，其實可能也是歌迷投入的一面。他稱自己開騷因為太入戲，見到他們好靜就好炆憎，但現在覺得其實不需要，不用太執著。對於有歌迷要求他在演唱會上說國語，他說︰「其實係我做得唔好，成個場係我應該做我應該做嘅事，就係演繹好，我當時鬆咗，太執着，取決於我心態。經一事長一智，其實我經常經好多事先長好多智，年紀大同經歷幫助到，其實唔使太在意，要識得放鬆，太緊張會有反效果。我咁嘅反應咪影響到其他觀眾，其實係我唔啱，我未試過跳medley唔係咁高興跳，咁樣辜負歌迷，係我唔啱。跟住落嚟做好啲，成長下！」
Eason表示自己要學會放鬆，不應太執著。
立即更新/下載AM730手機APP 體驗升級功能
