Edan孖容祖兒Jam歌大玩音樂。
MIRROR成員呂爵安（Edan）首度和天后容祖兒一同亮相由黃丹儀和李健宏（KB）主持的節目《Music Panda》，二人在節目合唱了不少經典歌，Edan 更即興彈琴，與容祖兒合唱《E先生連環不幸事件》。
節目中，Edan大讚容祖兒毫無架子，對住天后一啲都冇緊張：「我想分享少少，今次同祖兒第一次合作，最深刻係佢個份認真同專業，真係好誇張，我哋前日特登，佢用佢錄音時間去畀我哋練習，最後佢冇錄到自己首新歌，只係同我練歌」。
今日（28日）容祖兒在社交網貼出與Edan的合照，並分享感受，她先多謝古巨基促成這件事，並表示認識到搞笑新朋友Edan：「鍾意佢有心，比我迫佢上錄音室練歌，佢一call即到。鍾意佢有雷，九年前同學仔同佢講嘅佢仲記得，全場感動。鍾意佢手琴，即興彈E先生，比我唱到半首過下癮﹗正呀﹗下次再玩過。」Edan 亦有轉發容祖兒的貼文，並表示：「好難得 、好正 、好玩 、好開心，繼續加油。」
