ERROR今日出席記招宣傳節目《ERROR自爆96小時》。
ERROR成軍4周年，他們有連串活動慶祝，包括推出全新綜藝節目《ERROR自爆96小時》及於下月16日至18日開騷。今日ERROR出席記招宣傳節目，肥仔提到他們這4年最嚴重的問題是遲到，在旁的193即說︰「我哋3個要講返肥仔早到問題，你一定要準時，你早到就係唔準時！」保錡指肥仔早到是有強迫症，令化妝師和髮型師都有很大壓力，認為他要看醫生。
肥仔被指早到，搞到大家很有壓力。(陳奕釗攝)
狂笑肥仔係蘑菇愛鮑魚
問到ERROR成員有沒有優點可以分享，保錡稱肥仔常常請大家食好西，尤其是日本餐，193就指肥仔的「蘑菇」好大，又笑他最愛食「鮑魚」，大講有味笑話。肥仔就指阿Dee拍攝節目期間，同時要兼顧舞台劇，其中一日大家要出海拍攝，眾人暈船浪之際，阿Dee仍跟化妝師一齊對戲。肥仔和保錡亦趁機投訴阿Dee的鬧鐘經常提早響。
ERROR4子坦言今次拍攝絕不是放假，每天只睡兩至三小時，又提到在船上「開大」的技巧。保錡稱因為暈船浪，大家每次去廁所時，都像飄移一樣，完全去不到，但上到陸地再去廁所的話，反而像暈船浪一樣。193說︰「如果屙太大嚿，沖又沖唔走，會反彈上嚟，仲會窒！」在旁的阿Dee聽到忍不著掩面。
Dee出海拍攝不忘舞台劇。(陳奕釗攝)
193︰千祈唔好睇
問到今次節目的嘉賓，ERROR指葛民輝很了解日本AV文化，而且他的說話是「十一點半之後」(意即成人話題)，提到節目因為安排在晚上八時半播出，相信要不停「嘟」。193坦言他們不怕收到投訴，但公司很怕收到投訴。
阿Dee表示ERROR已有一段時間分開工作，今次難得可以合體，對他們來說今次拍攝是心靈交流，感覺大家的默契增加了，認為今次節目是一個實驗，看看能否跟大家來一次心靈交流，可以更了解ERROR的想法。肥仔稱今次用另一個方式呈現ERROR，不像昔日般「玩癡線」，看看觀眾能否接受不同的ERROR，193說︰「呢個係一個好靜嘅節目，你哋唔鍾意ERROR千祈唔好睇，如果鍾意ERROR就考慮睇唔睇，都悶嘅！」保錡稱這4年跟Fans一齊成長，因此節目是來總結過去4年的成果。
amJetso 送BIODERMA救星小紅瓶🩷護膚恩物 立即按此參加👇
