ViuTV原創劇《I SWIM》今晚(13日)播出第3集，其中Edan(呂爵安)飾演的李馬榮將英雄救美，將不慎跌落泳池的Miss翁(吳海昕飾)救起。講到「英雄救美」場面，Edan形容拍攝時場面混亂，還未及救起Sofiee，她已「自動浮面」，「因為佢好『浮』(穿衣服)，我都未抱到佢已經上咗去！今次拍呢部劇都狂操，加上怕受傷所以一有時間就要做運動，運動量好大，不過返工可以做運動，覺得自己身體係好咗。」
為遇溺跌足50幾次
不諳水性的吳海昕(Sofiee)，埋位前與導演馮志強多次視察環境，她坦言做足訓練，加上有救生員駐場，令她安心做戲：「呢個泳池大概有3米深，對於唔識游水嘅人嚟講，係幾驚嘅！我哋之前排到好足，大概跌過50幾次，不過如果唔可以一Take過就會好浪費時間，因為要吹乾翻個頭重拍，加上我都唔想吹咁多次，所以呢刻有啲緊張，係成套劇最驚嘅一幕。」幸好Sofiee都順利完成，當導演一停機，Edan更游過去給她「借力」，工作人員亦跳下水以防發生意外！上水後Sofiee自責「跌得唔靚」，幸好導演收貨，自言心跳加速到爆燈：「依家好似練完水咁，個腦空白咗咁！」
第3集(13日)劇情 ：
余浪沖(魏浚笙飾)為累及各人錯失冠軍而心生歉疚，功敗垂成的李馬榮(呂爵安 飾)萬分忿怒。面對思緒各異的眾人，Miss翁(吳海昕飾)心知幫助各人走出失敗陰霾的重要，下令暫時解散接力隊，重整旗鼓。回歸正常校園生活，但李馬榮竟然逃學去操練，盛怒的Miss翁追至卻不慎遇溺，不諳水性的她更被李馬榮所救。冷靜過後，兩人終可心平氣和地解決泳隊問題，李馬榮逐漸被Miss翁透徹的分析所折服，答應更改泳隊領導方向，重新聯繫各人。余浪沖與各人漸熟絡，卻在此時收到一個神秘訊息，來自冠中書院，一個名叫施詠(袁澧林飾)的女生。
amJetso 送BIODERMA救星小紅瓶🩷護膚恩物 立即按此參加👇
