Ian新歌mv請來袁澧林擔任女主角。
MIRROR成員陳卓賢(Ian)於情人節推出新歌《留一天與你喘息》，MV於昨晚9點播出，而Ian亦在IG開直播與歌迷一齊睇MV。直播開首見到Ian抱住表現興奮的愛犬雞髀，並謂︰「第一樣嘢就係，呢個live係諗住同大家睇MV，睇完我電話就應該啱啱好冇電，因為而家都冇電；第二樣嘢就係，我係冇剃鬚嘅，咁唔緊要啦，呢個live係冇乜特別嘢發生嘅，純粹係同大家一齊直播呢個MV。」整個直播約8分鐘，而Ian用了約4分鐘跟大家分享新歌內容。
Ian開直播與歌迷一齊看新歌MV。
Ian︰首歌唔一定係講愛情
新歌MV播完之後，Ian親自解說內容︰「呢隻歌其實我覺得唔一定係講愛情嘅，可能係講緊你屋企人，可能我講緊嘅係大家，總之係一啲對你嚟講好重要嘅人嘅陪伴。首歌唔會話好多做啲乜嘢，當你遇到一啲，即係你同佢一齊，你會好安心；知道佢哋存在、知道佢哋喺你背後嘅時候就好安心。大家唔使做啲乜嘢，對方只要存在喺自己世界入面，就已經好安心，好多嘢可以解決。係呢個世界上，的確有啲嘢係解決唔到，但係解決唔到嘅時候，冇㗎，就同身邊呢啲人一齊感受呢件事。」
Ian表示下次開live要等到下年。
下次開live要2023年
解說完畢，Ian指不同人對新歌的MV有不同的解讀，並謂下次開live便要等下年。他說︰「係啦，今日嘅live咁就完喇！係好突然開咗個咁嘅live，同大家睇一睇MV，冇乜意思，純粹係同大家一齊做呢件事，都好耐冇做過啦，一年一度吖嘛，今日個live就差唔多到呢度！就係咁，我哋下年再見，哈哈！bye bye！」
立即更新/下載AM730手機APP 體驗升級功能
