《IT狗》眾演員在大結局播出後開live，興奮rap唱PayPayDuck歌曲。
ViuTV劇集《IT狗》題材貼地，精警金句與笑料在網上洗版，劇集廣獲好評，一眾新生代演員的表現亦獲一致讚賞。該劇於上周五(4日)播出大結局後，網民集氣要開第二季。導演導演簡君晉昨日(5日)在IG上載結局後開live、演員圍讀短片和拍攝花絮，並分享拍《IT狗》的感想，感謝伯樂羅耀輝、ViuTV高層魯庭暉給予機會、凌文龍擔演主角，以及參與延伸創作的香港人。
簡導表示，自首次執導電影《當C遇上G7》至今，已相隔10年，期間曾與很多project擦身而過，今次拍得成《IT狗》多得老友羅耀輝一句：「要唔要試吓俾故仔ViuTV？」最後促成與ViuTV的合作，他又憶述首次見魯庭暉的情景：「上一次記招遇見魯生，親口向佢道謝，魯生反而好客氣咁向我哋團隊講多謝，仲同我講佢睇rough cut嘅時候已經幾鍾意，感謝魯生鼓勵及ViuTV提供咗一個舞台俾我哋。 」同時，他亦不忘多謝另一位監製Debbie的信任，一句「真係唔需要夾硬放感情線落去。」容許團隊自由創作。
凌文龍演的阿信大爆金句「機會是留給有信念的人」，結局當晚旋即在網上洗版。
《IT狗》一班演員合作拍劇後結成好友。(凌文龍IG)
簡君晉於2018年曾與曾俊華合作，邀得對方在《IT狗》客串。(簡君晉IG)
簡君晉導演。(簡君晉IG)
凌文龍險因檔期演唔到《IT狗》
原來，飾演主角葉念信的凌文龍(小龍)差點因撞期而無法參演《IT狗》，簡導又大爆小龍的憂慮並特別多謝他的參與：「佢擔當起帶領觀眾體會《IT狗》世界嘅重任。記得當初差啲因為撞期而無法演出，佢又擔心過自己寂寂無名，冇辦法擔當一套劇集嘅主角。其實我哋成個班底都係寂寂無名，經驗都未夠，多謝佢信任，當佢應承咗出演，佢真係會完全地付出，感染每一位演員及工作人員。」他半說笑稱，因《IT狗》多了一班好朋友，希望唔會咁快反面！
《IT狗》導演撰文分享感受，感謝伯樂羅耀輝、監製Debbie，以及ViuTV高層魯庭暉給予機會。(簡君晉IG)
簡君晉感激觀眾看劇後的創意參與，足證香港可以發展創意工業。
Lokman在拍劇期間獲粉絲應援支持。(簡君晉IG)
Frankie興奮地展示粉絲的應援物。(簡君晉IG)
Stanley在《IT狗》結局的爆seed演出，證明是演得之人。(簡君晉IG)
證明香港可有創意工業
最後，簡導有感而發表示，「如果呢一個月嘅時間，《IT狗》可以帶俾大家少少嘅歡樂，又有少少嘅安慰，對我哋來講已經係最大嘅滿足，希望有機會下次再做好啲。」對他而言，最開心是由劇集啟發不同界別的觀眾，自家創作與劇集有閞的插畫、平台及應用程式的實體化、評論文章等，他表示，「你地嘅參與證明咗香港人係好有創意，香港係可以有創意工業，香港係可以有創科。」簡導接受傳媒採訪時坦言，《IT狗》的開放式結局是為第二季鋪路，不過暫時未知能否開拍，現階段他將投入全新的創作，希望日後有新作品跟大家見面。
導演簡君晉特別多謝凌文龍全情投入，擔起帶領觀眾體會《IT狗》的重任。(簡君晉IG)
簡導發放黑圖，偷拍Lokman瞓覺的照片。(簡君晉IG)
Locker亦被簡導偷拍瞓覺照片。(簡君晉IG)
和記行集團70周年聖誕送7大厚禮🎁 冷氣機 |風扇 |車用揚聲器 立即帶返屋企👉
