由於兩人太熟，拍MV時要互相忍笑。
呂爵安(Edan)與陳凱詠(Jace)宣傳合唱新歌《漸漸我們》，今日到商台接受訪問。兩人由《全民造星I》認識，之後合作節目《激安百貨》，兩人好有緣份。Edan講到今次再度合作是為了拉闊音樂會而設。「我鍾意慘情合唱歌，近年我又少合唱，呢首歌希望大家唱K時可以唱。」Jace大讚Edan好有計劃，開騷前幾個月就開始籌備呢首合唱歌。
兩人拍攝MV時，一個去咗嘔，一個只望對方鼻哥窿。
Edan希望大家唱K時會唱這首新歌。
Edan：望佢鼻球窿
主持問到兩人友情深厚，合唱情歌時會否忍不住笑。Jace說：「唔係忍笑咁簡單，真係嘔。拍攝MV嗰日唔舒服，拍拍下真係去咗嘔。」Edan即時話：「唔怪得有啲味。」至於Edan拍攝MV時都算忍到笑，「其實都想笑，所以唔望佢對眼，只會望眼眉同鼻哥窿。其實唱歌時冇諗咩，keep住腦海空白，又可配合首歌要表達嘅無力感。」
amJetso 送BIODERMA救星小紅瓶🩷護膚恩物 立即按此參加👇
