MIRROR成員Jeremy(李駿傑)今日(22日)推出首支單曲《半》，Jeremy在MV中化身墮落天使，並請來今屆金像獎女配角雙提名的廖子妤擔任女主角，一同以黑暗風散發妖艷魅力。新歌MV造型令人想起Jeremy在《全民造星》總決賽時唱《Crazy In Love》的妖艷美態，Jeremy形容今次更加妖，「其實由《造星》到而家，堅持行呢一條路唔係咁容易，但睇返原來行呢條路係啱嘅，要多謝《造星》。」Unicorn(Jeremy粉絲暱稱)等足3年幾，終等到偶像出solo，加上MV結含暗黑美學又充滿藝術感，當然一睇再睇，新歌MV上架兩小時，已有接近10萬點擊，非常厲害！
幼沙上舞出獨特妖味
作為第7位單飛的MIRROR成員，之前已有6位兄弟推出作品，Jeremy坦言非常緊張，「我今次推出嘅風格又同前面6個風格完全唔同，係可以區分到嘅第7個Style，透過我哋每個人嘅Solo歌，可以話俾大家知，我哋12個人都有自己獨特一面，希望可以製造更多唔同風格，令到香港或者其他地方嘅聽眾，可以有唔同嘅選擇。」Jeremy在《半》MV亦會大展舞姿，有別於MIRROR的勁歌熱舞，他會在幼沙上大跳糅合現代舞和Urban Dance的舞蹈，他笑言，「啲沙好幼滑，跳舞時起初重心唔係捉得好好，頭一兩次跳會較驚，但之後掌握到少少，就可跳得放啲，冇乜大問題。希望大家喺呢個MV見到另一面跳舞嘅我！」
新歌寄語正視暗黑面貌
《半》由王雙駿(Carl)擔任歌曲監製、吳林峰作曲、周耀輝填詞，他表示當得知可推出單曲，已認定找Carl叔叔做監製，對方二話不說為他找來吳林峰作曲、周耀輝填詞。有別於過去清新作品，吳林峰度身訂造的旋律，呈現了Jeremy最想現的黑暗面，Jeremy大爆：「吳林峰寫完第一稿後，Carl叔叔要佢改，跟住吳林峰睇咗半個鐘鬼片，就完整地寫出《半》嘅旋律！」至於周耀輝這位猛料詞人，優雅地寫出了Jeremy想表達的內容。「今次《半》呢首歌，係想話人有唔同嘅面向，但好多時候喺好同壞之間，大家總會忽略、拒絕接受壞嘅一面，但作為一個人，係需要接受所有面向，接受自己嘅不同面貌。接受咗，了解自己最渴望嘅，就去正視佢，努力變成自己想成為嘅人。」
讚廖子妤演技厲害
至於今次《半》的MV，講述Jeremy是墮落天使，被世界中不同的黑暗面侵佔，產生了由Fish飾演的黑暗化身，不停殺人，在殺死3個人之後，發現第4個目標人物是真愛，雙雙墮入愛河，為了要停止殺人這個瘋狂行為，於是請Jeremy這個本體封印殺人武器。為了這個充斥著黑與白、善與惡的概念MV，Jeremy嘗試了3個造型，當中不乏妖艷與型格，他也嘗試了很多第一次，如搽指甲油及畫白色眼線，再配合不同的造型，在MV中化身天使與惡魔。這些造型，都不禁讓人聯想到Jeremy在2018年參加《全民造星》總決賽時獻唱《Crazy In Love》的妖艷美態，不過Jeremy說：「《Crazy In Love》造型比較王子，今次更加妖。其實由《造星》到而家，堅持行呢一條路唔係咁容易，但睇返原來行呢條路係啱嘅，要多謝《造星》。」此外，導演找來Fish任MV女主角，Jeremy十分興奮道：「我一開始知Fish做女主角，已經覺得好勁，到拍MV嗰日上晝金像獎提名出爐，Fish收到好消息，就覺得成件事好Amazing！」不過今次Jeremy與Fish在MV中的交流不多，只有兩個Shot，Jeremy期待二人日後有更多不同形式的合作，因為他覺得對方演技十分厲害。
amJetso 送BIODERMA救星小紅瓶🩷護膚恩物 立即按此參加👇
