余宗遙在新城頒獎禮翻唱Jer的《狂人日記》，表現失準封「走音狂人」。
環球新人余宗遙(DEZ)早前《新城勁爆頒獎禮2022》上，被大會安排翻唱Jer柳應廷的《狂人日記》，可惜表現失準被網民指「走音狂人」。雖然DEZ一向以「尷尬新人」自居，但在原唱者前面獻唱竟嚴重失準，難免耿耿於懷，昨晚(6日)他在IG出post，自彈自唱多次《狂人日記》，希望大家給他一次機會。
痛定思痛 拍片重唱
DEZ寫道：「大家好，我係尷尬新人DEZ，上星期有件堅尷尬嘅事，一路鬱喺心入面。我喺新城頒獎禮上面因為緊張，唱《狂人日記》嗰陣失準，第一粒音就撻Q，仲要原唱Jer喺台下，心諗：死火喇，真係想搵窿捐。網上嘅comment話我係「走音狂人」，失準就要認。呢幾日痛定思痛，想唱多次俾大家聽，希望大家笑納。」DEZ作為新人，在台上因緊張失手是必經階段，雖然唱《狂人日記》失準，但當晚他唱自己歌《平行線上》表現淡定，相信他已上了寶貴一課，不妨聽聽他自彈自唱的片段。
立即更新/下載AM730手機APP 體驗升級功能
