KOL黎紜蔚Vivian出道做歌手。
拍過不少電視及平面廣告、近日ViuTV熱播劇集《弊傢伙！我要去祓魔》亦有份演出的KOL黎紜蔚Vivian（肥肥人），正式出道成為歌手，首支派台歌曲及MV《曖昧日誌》日前已經上架。
肥肥人自八歲起於粵劇團學習唱歌六年，逐漸培養歌唱興趣，「小學時收到學校通告上興趣班邀請，被爸爸強逼學習一門偏門技能，話大個之後話唔定令我與眾不同。開頭都覺得悶，學咗六年就被爸爸停止，因為升中功課繁重。但當時已鍾意咗唱粵曲，要停止興趣班反而傷心。」她謂雖然粵曲跟流行曲看似極端，但在技巧上亦有共通點，亦有很大幫助，「音域感到少啲限制，比較容易上到高音，頭腔共鳴更容易發聲。同埋因為從小習慣用丹田氣講嘢，所以唱流行曲一樣可以自然用到。」
肥肥人坦言做歌手是從小的夢想。
現今做歌手難搵食，為甚麼要堅持入行？她坦言做歌手是從小的夢想，「出一首歌要差唔多要六位數字，所以真係唔係為咗賺錢。近年都有拍攝廣告、電視劇同電影嘅機會，所以都一直有儲錢，加入歌手行列，令自己事業更全面。自己性格都好鍾意幫助身邊朋友，慰藉佢哋心靈；而歌聲可以傳遞更遠，慰藉更多朋友以外的心靈。就算我唔喺大家身邊，聲音仍然喺大家耳邊。」
肥肥人表示出一首歌要差唔多要六位數字，所以真係唔係為咗賺錢。
出道歌曲《曖昧日誌》講述少女渴望被愛，卻同時害怕愛情的矛盾。而這種不自信的初戀感，能帶給不少年輕聽眾共鳴，也是年長聽眾的懷緬。肥肥人透露當中亦有加入自己故事元素，「因為對於比較親密嘅朋友們就知道本來性格比較嬌嗲，當感到非常快樂就會習慣喵叫一聲撒嬌，會引到佢哋大笑。所以就構思了男主人喺屋企養貓，而貓變成女人感受人類愛情故事。」
MV中，肥肥人以貓女造型示人，加上網民經常將焦點於在她驕人的身材上，怕唔怕大眾忽略她的歌曲？肥肥人直言唔怕，「唔怕大家Focus落自己身材，因為身材比我好嘅人太多。相信日後有更多影視作品，大家就會轉放更多焦點，專注才藝方面發展。」
立即更新/下載AM730手機APP 體驗升級功能
