
Marf考取車牌,唔心急買車,問朋友借車操住先。
COLLAR又多位成員考獲車牌。邱彥筒(Marf)今日(31日)在社交平台宣布考獲車牌,她上載短片見她攞住P牌,在街頭開心跳舞,她留言:「放高姿態揸車,保持自信,要保持謙虛,關懷身邊的駕駛者和途人,今次我—take pass,多謝李sir同郭sir。」
Marf拍片跳舞賀考牌成功。

COLLAR又多位車手了。
第2次終成功
據知,Marf曾經考過車,但肥佬收場,今次第2次終於成功。胡子彤搞笑留言:「大鑊!」Marf回覆:「借你架車嚟操車,唔該,當你應承咗。」
COLLAR多位成員先後考獲車牌,包括有王家晴(Candy)、沈貞巧(Gao),蘇雅琳(Ivy So),芯駖亦剛在1月考獲車牌,網民紛紛期待7位女車手一齊出車,更有網民笑言:「團綜可以鍊車」。